Etz is alles vorbei, Du bläide Kouh

Nimm dei Gschmarri mihd und hau doch endli‘ ab
Däi Heggdigg mid Dir, däi hobbi wergli sadd
Du konnsd mi fei ämoal am Oamd b’soung
Aa mir bladzd ab und zou ämoul der Kroung
Schleich di endli naus – lou mmer mei Rouh
Denn edz iss alles vorbei, Du bläide Kouh

Wenn ich Dich gseng hobb, hodz mi richdi g’rissn
Dir gäihd’s aa äsu hosd g’sachd – und hosd mi dauernd bschissn
Däbei gibd’s su änn Haafn oadliche Mais
Däi maaner, woss soung, und schdinkn ned nach Schweiß
Blouß ich Debb häng ausgrechnd an Dir drou
Obber edz iss endli vorbei, Du bläide Kouh

Dei Fadder hod Angsd g’habd, ich kennd Dich eimachn
Dou konn i doch wergli blouß ganz schäif lachn
Der hodd vieleichd ä Oahnung, dess glabsd goar ned
Der maand werkli, Du liggsd jede Nachd broav in deim Bedd
Wenn Du ned mindesdns zwaa hosd, gäihd di Dihr ned zou
Dou mach i nimmer mid, Du bläide Kouh

’s nächsd Moal wennsd kummsd und i hobb mi ä bißlä gfanger
Werr i rechd dreggerd lachn und Dir anne nieberlanger
Dess konnsd dann goar ned glaam und wersd dumm schauer
Wäi konn ich Dir goudn Ding anne neihauer?
Mir gäihds hald aff di Nervn, dei zuggersäiß Gedou
Hoffendli iss ball vorbei, Du bläide Kouh.

Musik: Bob Dylan (It’s all over now, Baby Blue)
Text: hpd am 11.12.1976

Konzerte