DAS SOFA

Mir hamm uns a neus Sofa kaffd
und jedem hadd des g`falln
ich wär ne mär und froach mi scho
hamm des di annern a gwoldd?

Du hast doch nedd den Kohl rei gloan?
Den Schröder odder sunst nu wen?
Ich hob dengd es iss für uns aloan!
Es iss so schöö blau und wunderschön!

Nach fast anner Stund Hin und Her
wird’s mir gloar edds weeß ichs g`nau
auf dem Sofa siddsn wohl mehr
des wird am Oamd a Radau!

Mir hamm uns a neus Sofa kaffd
und es hadd jedem g`falln
des Sofa wolldn mir für uns aloan
ich weiss ned wos mer machen solln?

REFRAIN
Sofa weich und blau
Du Sofa bei uns dahamm
Du Sofa stehts im Egg
Mei Sofa iss einfach a Draum

Du Sofa flauschig warm
Du Sofa bei uns dahamm
wie kannst du jedem g`falln?
wie kannst du uns des andun?

BRIDGE
Stell dir mol vuur auf dir hoggt jeder rumm
und drüggt den Oarsch in dich nei
hast du denn überhaubscht ka Scham?
Bist du denn für jeden offen und zu hamm?

vom Rick

Konzerte