(Oouh Biggi Bäibi,) wäi woar ich gierich aff denn oamd
Heid simmer ganz fir uns ällaa
Iss Delefon, des hobbi ausghängd
Von uns wass kanner – blouß mir zwaa
Iech spill ä Bladdn vom Bon Jovi
Mer sachd, der machd die Libbn feichd
Zuvur beim Kerznlichd nu essn
Aa wenn mir scho dei Anbligg reichd
Ref.: Oouh Biggi Biegsam – Boa Bäibi
Du bisd su sexy und ä Wuchd
Däi Schdrabs und aa däi Nedzschdrümbf
Hobb iech dir selber ausgesuchd
Edz hosd du widder goar nix g’essn –
Bisd scho su wild und bringsd nix nei?
Iech droach di schnell ä Zimmer weider
Du bisd su weich und federleichd
Kumm Biggi Bäibi, sei mir hilfreich
Du waßd: iech wachs in deine Händ‘
Dei runder Mund versprichd mir Freidn
Däi außer mir ka andrer kennd
Ref.: Oouh Biggi Biegsam – Boa Bäibi
Du bisd su schweigsam und lasziv
Du bisd geschmeidich, gladd und willich
Selbsd Rawalpindi’s Kehre lief!
Iech wass, iech woar der helle Wahnsinn
Bisd widder sprachlos – hobbi rechd?
Gäih her, gräichsd vo mir aa ä Ziggers
Iech hoff‘, iech hobb di ned su g’schwächd
Oouh Misd, iech hobb di zulang raung louhn
Edz bisd scho widder undichd worn
Spill ned Ballong, kumm von der Deggn!
Dann konnsd ä Gummipflasder hoam.
Ref.: Oouh Biggi Biegsam – Boa Bäibi
Zwoar bisd du schweigsam und lasziv
Zwoar bisd geschmeidich, gladd und willich
Doch blouß aus Gummi und passiv
(Gesprochen:) „… und ausleern mou i di aa ämoal widder!“
by hpd (25.6.2000)